盧雋邊説邊畫，最後畫了個穿裙子的女機械人，他說她的名字是Fantastic four。
盧雋的要求是頭、手及腳都要用不同的布料。媽媽心想，對你來説會不會有點太複雜呢？今晚恐怕不能完成了吧！不過，既然盧雋對於自已創作有要求，媽媽就奉陪到底吧！
在縫合手部的時候，盧雋突然改變主意：「媽咪呀！我頭先畫錯咗，隻手應該係圓形㗎！」
好好好，現在知道還來得及，在方形的縫合位置𥚃加條半圓形的縫合線便是了。
用了差不多一小時，只需把頭及眼睛用手縫合便算大功告成了。不過已經過了盧雋的上床時間。
媽媽：「我哋聽日先做埋佢啦！」
盧雋：「我想依家做埋佢。」
上學的日子，媽媽對上床時間比較嚴謹：「依家好夜嗱，媽媽等間幫你縫埋佢，你聽日起身咪見到囉！」
盧雋：「好呀！不過你留返一隻眼比我縫，得唔得呀？」
媽媽：「梗係得啦！」
上床後。
媽媽：「呀！我唔記得比5蚊你喎！」
盧雋：「係喎！依家比啦！」
媽媽：「不過你仲淨隻眼喎！」
盧雋：「做完㗎嗱！佢無眼㗎！」
嘩！你竟然為咗五蚊唔比隻眼佢。
不過最後，盧雋還是在第二天親自把兩隻眼都縫上了。
No comments:
Post a Comment